اس دعوے کی تردید صرف صحابۂ کرام رضی اللہ عنہم ہی سے نہیں بلکہ خود اہلِ بیت کے جلیل القدر افراد سے بھی ثابت ہے۔ سیدنا حسن بن حسن بن علی رحمہ اللہ (حسن المثنیٰ) نے غلو کرنے والوں کے سامنے اس عقیدے کی واضح تردید کرتے ہوئے فرمایا:

ہمیں شبابہ بن سوار الفزاری نے خبر دی، انہوں نے کہا: مجھے الفضیل بن مرزوق نے بتایا، انہوں نے کہا: میں نے حسن بن حسن (حسن المثنیٰ) کو ایک ایسے شخص کے بارے میں فرماتے ہوئے سنا جو ان کے بارے میں مبالغہ آرائی (غلو) کر رہا تھا: “تم پر افسوس ہے! ہم سے محبت کرو.اللہ کی خاطر، اگر ہم اللہ کی اطاعت کریں تو ہم سے محبت کرو، اور اگر ہم اللہ کی نافرمانی کریں تو ہم سے بغض رکھو۔ (راوی کہتا ہے) تو ایک شخص نے ان سے کہا: “آپ لوگ رسول اللہ ﷺ کے قریبی رشتہ دار اور اہل بیت ہیں!” انہوں نے جواب دیا: “تم پر وائے ہو! اگر اللہ تعالیٰ کسی کو رسول اللہ ﷺ کی قرابت داری کی وجہ سے بغیر اطاعت کے فائدہ پہنچانے والا ہوتا، تو وہ اس شخص کو فائدہ پہنچاتا جو ہم میں سے (رسول اللہ کے) سب سے زیادہ قریب ہے یعنی ماں اور باپ کے لحاظ سے (مراد خود کو یا اپنے قریبی بڑوں کو لے رہے ہیں)۔ اللہ کی قسم! مجھے ڈر ہے کہ ہم میں سے گناہ گار کو دگنا عذاب دیا جائے گا، اور میں امید کرتا ہوں کہ ہم میں سے نیکوکار کو اس کا اجر دو بار دیا جائے گا۔ تم پر افسوس ہے! اللہ سے ڈرو اور ہمارے بارے میں حق بات کہو، کیونکہ یہ اس چیز تک پہنچانے والا ہے جو تم چاہتے ہو اور ہم تم سے راضی ہوں گے۔” تم پر افسوس ہے! اللہ سے ڈرو اور ہمارے بارے میں حق بات کہو، کیونکہ یہ اس چیز تک پہنچانے والا ہے جو تم چاہتے ہو اور ہم تم سے راضی ہوں گے۔” پھر انہوں نے فرمایا: “اگر یہ دین ویسا ہی ہوتا جیسا تم لوگ کہہ رہے ہو، تو ہمارے آباء و اجداد نے ہمارے ساتھ بڑی زیادتی کی کہ انہوں نے ہمیں اس کی نہ تو کوئی خبر دی اور نہ ہی اس کی طرف مائل کیا۔” تو اس رافضی (غلو کرنے والے شخص) نے ان سے کہا: “کیا رسول اللہ ﷺ نے یہ نہیں فرمایا تھا: ‘جس کا میں مولیٰ ہوں، علی بھی اس کے مولیٰ ہیں’؟” انہوں نے جواب دیا: “اماں اللہ کی قسم! اگر رسول اللہ صلی اللہ علیہ وسلم کی اس سے مراد امارت (حکومت) اور سلطنت ہوتی، تو آپ ﷺ اس کا صاف صاف اعلان فرما دیتے، جس طرح آپ نے نماز، زکوٰۃ، رمضان کے روزوں اور بیت اللہ کے حج کا صاف صاف اعلان فرمایا۔ اور آپ لوگوں سے فرماتے: ‘اے لوگو! یہ تمہارے ولی (حاکم) ہیں میرے بعد۔’ پس رسول اللہ صلی اللہ علیہ وسلم لوگوں کے لیے سب سے زیادہ خیر خواہ تھے۔ اور اگر معاملہ ویسا ہی ہوتا جیسا تم لوگ کہتے ہو کہ اللہ اور اس کے رسول نے نبی صلی اللہ علیہ وسلم کے بعد اس امر (خلافت) اور قیام کے لیے علی رضی اللہ عنہ کو چنا تھا، تو علی ( رضی اللہ عنہ) تمام لوگوں میں سب سے بڑی خطا اور گناہ کے مرتکب ٹھہرتے (نعوذ باللہ) جب انہوں نے رسول اللہ ﷺ کے حکم کو چھوڑ دیا، اور آپ ﷺ کے حکم کے مطابق کھڑے نہ ہوئے یا لوگوں کے سامنے اس کا عذر پیش نہیں کیا۔”

 ﴿الطبقات الكبرى ابن سعد:320،319/7﴾

اس روایت کی سند کے دونوں روای، شبابہ بن سوار المدائنی اور فضیل بن مرزوق الکوفی، ائمہ جرح و تعدیل کے نزدیک قابلِ اعتماد ہیں۔

﴿الكاشف في معرفة من له رواية في الكتب الستة﴾   ﴿تقريب التھذيب﴾

مزید توثیق کے لیے ان دونوں کتابوں کے متعلقہ صفحات کے اصل اسکین نیچے ملاحظہ کیے جا سکتے ہیں۔

 اس روایت سے واضح ہوتا ہے کہ خود اہلِ بیت کے جلیل القدر فرد سیدنا حسن المثنیٰ رحمہ اللہ نے اس عقیدے کی صریح تردید فرمائی کہ رسول اللہ ﷺ نے سیدنا علی رضی اللہ عنہ کی خلافت کا کوئی واضح اور قطعی اعلان فرمایا تھا۔ انہوں نے نہ صرف حدیثِ «من كنت مولاه فعلي مولاه» سے خلافت پر استدلال کو رد کیا بلکہ یہ بھی فرمایا کہ اگر خلافت کا ایسا صریح حکم موجود ہوتا تو رسول اللہ ﷺ اسے نماز، زکوٰۃ، روزہ اور حج کی طرح کھلے الفاظ میں بیان فرماتے، اور سیدنا علی رضی اللہ عنہ بھی اس حکم پر ضرور عمل کرتے۔ یہ اہلِ بیت کی طرف سے اس دعوے کی مضبوط تاریخی تردید ہے۔