“اور اسلم، عمر بن الخطاب (رضی اللہ عنہ) کے آزاد کردہ غلام ہیں، ان کی کنیت ابو خالد ہے۔ وہ یمن کے قیدیوں میں سے تھے، جنہیں عمر بن الخطاب (رضی اللہ عنہ) نے اشعریوں سے خریدا تھا۔ انہوں نے نبی کریم ﷺ کا زمانہ پایا (یعنی آپ ﷺ کے عہد مبارک میں موجود تھے) اور ان کا تعلق حبشہ سے تھا۔”

﴿معرفة الصحابة: 255/1﴾

“اور اسلم، عمر بن الخطاب کے آزاد کردہ غلام، قریشی، عدوی، مدنی (اور) ابو خالد ان کی کنیت ہے۔ وہ یمن کے قیدیوں میں سے تھے۔ انہوں نے (حضرت) عمر سے (احادیث) سنیں، اور ان سے (ان کے بیٹے) زید بن اسلم اور قاسم بن محمد نے روایت کی ہے۔”

﴿التاریخ الکبیر البخاری: 23/2﴾

“15 – (میں نے سنا) میرے والد اور ابو زرعہ کو، وہ دونوں فرما رہے تھے: مراسیل (مرسل احادیث) سے حجت (دلیل) قائم نہیں کی جا سکتی، اور حجت صرف متصل صحیح اسانید سے ہی قائم ہوتی ہے۔

﴿مراسیل ابن ابی حاتم: 7﴾

اسلم رحمہ اللہ نبی کریم ﷺ کے زمانے میں موجود تو تھے لیکن اس واقعہ کے عینی شاہد نہیں تھے، اور انہوں نے یہ واقعہ کسی صحابی سے بھی روایت نہیں کیا، لہٰذا یہ روایت مرسل ہے۔ویسے تو مرسل اس روایت کو کہتے ہیں جس میں صحابی کا واسطہ دیے بغیر تابعی نبی صلی اللہ علیہ والہ وسلم سے کچھ بیان کرے۔لیکن فقہاء اور اصولیین کے نزدیک مرسل کا مفہوم اس سے زیادہ عام ہے۔ ان کے نزدیک ہر وہ روایت جس کی سند کسی بھی طرح منقطع (ٹوٹ) ہو، مرسل کہلاتی ہے، خواہ انقطاع کسی بھی قسم کا ہو۔ یہی امام خطیب بغدادی کا بھی مذہب ہے۔

﴿تیسیر مصطلح الحدیث:باب: المرسل:ص74﴾

مزید برآں امام مسلم رحمہ اللہ بھی فرماتے ہیں:

“والمرسل من الروايات في أصل قولنا وقول أهل العلم بالأخبار ليس بحجة.”

“مرسل روایت ہمارے اصول اور اہلِ علم بالاخبار کے نزدیک حجت نہیں ہے۔”

﴿مقدمہ صحیح مسلم: ص 165﴾

پھر مرسل حدیث، جمہور محدثین، امام شافعی اور بہت سے فقہاء اور علمِ اصول کے ماہرین کے نزدیک ضعیف ہوتی ہے۔ اور امام مالک اور ایک گروہ کے ساتھ امام ابو حنیفہ نے فرمایا: یہ صحیح ہے۔ پس اگر مرسل حدیث کے ظاہر ہونے کا مخرج (راستہ) اس طرح درست ثابت ہو جائے کہ وہ کسی دوسرے طریقے سے مسند (مرفوع) ہو کر یا کسی ایسے راوی کی طرف سے مرسل ہو کر آئے ۔

 ﴿تدريب الرواوي:224،223/1﴾

لہٰذا جمہور محدثین کے اصول کے مطابق اسلم رحمہ اللہ کی یہ مرسل روایت مستقل طور پر قابلِ حجت نہیں۔ اور جن اہلِ علم نے مرسل روایت کو قبول کیا ہے، انہوں نے بھی اس کے لیے تقویت دینے والی شرائط ذکر کی ہیں، نہ کہ ہر مرسل روایت کو مطلقاً حجت قرار دیا ہے۔