خیر القرون میں تدوین حدیث
خیر القرون میں تدوین حدیث
سیدنا عبدالله بن عمرو بن العاص رضی اللہ عنہما نے کہا: میں رسول اللہ ﷺ سے جو کچھ بھی سنتا حفظ کرنے کی غرض سے لکھ لیا کرتا تھا، پس قریش نے مجھے منع کیا اور کہا: تم رسول اللہ ﷺ سے جو کچھ بھی سنتے ہو لکھ لیتے ہو، حالانکہ رسول الله ﷺ بھی بشر ہیں اور ناراضگی و خوشی میں کلام کرتے ہیں، چنانچہ میں نے لکھنا چھوڑ دیا اور رسول اللہ ﷺ سے اس کا تذکرہ کیا تو آپ ﷺ نے اپنی انگلی سے اپنے دہن مبارک کی طرف اشارہ کیا اور فرمایا: ”لکھو! قسم اس ذات کی جس کے ہاتھ میں میری جان ہے، اس سے حق و صداقت کے سوا کچھ نہیں نکلا ہے۔“
(اس روایت کی سند صحیح ہے۔ دیکھئے: [سنن دارمي: 501]،[مسند أحمد 163/2، 192، 174] ، [أبوداؤد 3646، 3504] ، [ترمذي 1234] ، [نسائي 288/7، 295] ، [دارقطني 74/3 -75] ، [شرح معاني الآثار 64/4] ، [المنتقى لابن الجارود 601] ، [الحاكم 17/2] ، وغيرھم)
عہدِ نبوی میں کتابتِ حدیث
سیدنا ابو ہریرہ رضی اللہ عنہ سے روایت ہے: “ما من أصحاب النبي ﷺ أحد أكثر حديثا مني إلا ما كان من عبد الله بن عمرو فإنه كان يكتب ولا أكتب” “نبی ﷺ کے صحابہ میں سے کوئی بھی مجھ سے زیادہ آپ ﷺ سے حدیثیں بیان کرنے والا نہیں سوائے عبداللہ بن عمرو (بن العاص) کے کیونکہ وہ لکھتے تھے اور میں نہیں لکھتا تھا۔” (صحیح بخاری: 113)
سیدنا عبداللہ بن عمرو بن العاص رضی اللہ عنہ سے روایت ہے کہ میں رسول اللہ ﷺ سے جو بھی سنتا تو ہر شے لکھ لیتا تھا، میں اسے یاد کرنا چاہتا تھا (لیکن) قریشیوں نے مجھے منع کر دیا اور کہا: “تم رسول اللہ ﷺ سے سن کر ہر چیز لکھ لیتے ہو اور رسول اللہ ﷺ بشر ہیں، کبھی آپ غصے میں ہوتے ہیں اور کبھی خوشی کی حالت میں” تو میں نے لکھنا چھوڑ دیا پھر رسول اللہ ﷺ سے اس بات کا ذکر کیا تو آپ نے فرمایا: ((اكتب فوالذي نفسي بيده ما خرج مني إلا حق.)) “لکھو! اس ذات کی قسم جس کے ہاتھ میں میری جان ہے! میری زبان سے صرف حق ہی نکلتا ہے۔” (مسند احمد: 162/2، ح: 6510، مصنف ابن ابی شیبہ: 49/9، سنن ابی داؤد: 3646، مسند دارمی: 490 وسندہ صحیح)
القبيل تابعی (حی بن ہانی المعافری / حسن الحدیث) سے روایت ہے کہ ہم (سیدنا) عبداللہ بن عمرو العاص رضی اللہ عنہ کے پاس موجود تھے کہ اُن سے پوچھا گیا: دو شہروں میں سے کون سا شہر سب سے پہلے فتح ہوگا: قسطنطنیہ یا رُومیہ؟ عبداللہ رضی اللہ عنہ نے حلقوں والا صندوق منگوایا پھر اس سے ایک کتاب نکالی اور فرمایا: ہم رسول اللہ ﷺ کے پاس لکھ رہے تھے کہ جب آپ سے پوچھا گیا: دو شہروں میں سے کون سا شہر سب سے پہلے فتح ہوگا: قسطنطنیہ یا رُومیہ؟ تو رسول اللہ ﷺ نے فرمایا: ((مدينہ هرقل تفتح اولا)) “پہلے ہرقل کا شہر یعنی قسطنطنیہ فتح ہوگا۔” (مسند احمد: 176/2، ح: 6645 وسندہ حسن وصححہ الحاکم: 55/4 ووافقہ الذھبی واخطاہ من ضعفہ)
سیدنا عبداللہ بن عمرو بن العاص رضی اللہ عنہ کی احادیث کا ایک مجموعہ عمرو بن شعیب عن ابیہ عن جدہ کی سند کے ساتھ الصحیفۃ الصادقہ کے نام سے مشہور ہے۔
عہدِ صحابہ میں کتابتِ حدیث
سیدنا انس بن مالک رضی اللہ عنہ سے روایت ہے کہ ابوبکررضی اللہ عنہ نے ان کے لیے یہ کتاب لکھ کر انہیں بحرین کی طرف بھیجا تھا: “بسم اللہ الرحمٰن الرحیم، یہ فرض صدقات کے مسائل ہیں جو رسول اللہ ﷺ نے مسلمانوں پر فرض قرار دیے ہیں۔” (صحیح بخاری: 1454)
جلیل القدر تابعی ابوعثمان عبدالرحمٰن بن مل النھدی رضی اللہ عنہ سے روایت ہے: “ہم عتبہ بن فرقد کے ساتھ آذربائیجان یا شام میں تھے کہ عمرؓ کی کتاب ہمارے پاس پہنچی: اما بعد! بے شک رسول اللہ ﷺ نے ریشم سے (مردوں کو) منع فرمایا ہے سوائے اتنے (یعنی) دو انگلیوں کے برابر۔” (صحیح مسلم: 2069، دارالسلام: 5415)
سیدنا عمر رضی اللہ عنہ نے جمعہ کے دن خطبہ فرمایا: اے اللہ! میں تجھے گواہ بناتا ہوں کہ میں نے شہروں کے امراء کو صرف اس لیے بھیجا ہے کہ وہ لوگوں کے درمیان انصاف کریں، انھیں دین سکھائیں اور نبی ﷺ کی سنت کی تعلیم دیں۔ (صحیح مسلم: 567، دارالسلام: 1258)
سیدنا ابوحجیفہؓ سے روایت ہے کہ میں نے سیدنا علی رضی اللہ عنہ سے پوچھا: کیا آپ کے پاس کوئی ایسی چیز بھی ہے جو قرآن میں نہیں ہے؟ یا لوگوں کے پاس نہیں ہے؟ تو انھوں (سیدنا علی رضی اللہ عنہ) نے فرمایا: اس ذات کی قسم جس نے دانہ پھاڑ کر اگایا اور مخلوق کو پیدا کیا! ہمارے پاس قرآن کے علاوہ کچھ بھی نہیں ہے سوائے فہم کے جو آدمی کو کتاب کے بارے میں عطا ہوتا ہے اور جو کچھ اس صحیفے میں ہے۔ ابوحجیفہ رضی اللہ عنہ نے پوچھا: اس صحیفے میں کیا ہے؟ انہوں نے فرمایا: دیت (تاوانِ خون)، قیدیوں کو آزاد کرنے (کے مسائل) اور یہ کہ مسلمان کو کافر کے بدلے میں قتل نہ کیا جائے۔
(صحیح بخاری: 6903)
بشیر بن نھیک رحمہ اللہ سے روایت ہے: میں ابو ہریرہ رضی اللہ عنہ سے جو کچھ سنتا لکھ لیتا تھا پھر جب میں آپ سے رخصت ہونے کا ارادہ کیا تو کتاب لے کر گیا اور آپ کو کتاب پڑھ کر سنائی اور کہا: میں نے آپ سے جو سنا ہے وہ یہ ہے؟ انھوں نے فرمایا: جی ہاں۔
(مسند الدارمی: 500، العلم لابی خیثمہ: 137، مصنف ابن ابی شیبہ: 50/9 وسندہ صحیح)
ابن عوف رحمہ اللہ سے روایت ہے: ہم حسن (بصری) کے پاس گئے تو انھوں نے ہمیں سمرہ (بن جندب رضی اللہ عنہ) کی کتاب دکھائی۔
(العلل للامام احمد: 2187 وسندہ صحیح)
معن (بن عبد الرحمن) سے روایت ہے کہ میرے سامنے عبد الرحمن بن عبد اللہ بن (بن مسعود) نے ایک کتاب نکالی اور قسم کھا کر کہا کہ یہ ان کے والد (سیدنا عبد اللہ بن مسعود رضی اللہ عنہ) کے ہاتھ کی لکھی ہوئی کتاب ہے۔
(مصنف ابن ابی شیبہ: 50/9، ح: 26420 وسندہ صحیح)
تابعینِ عظام اور تدوینِ حدیث
عہدِ تبع تابعین میں کتابتِ حدیث
خلاصہ
واللہ اعلم بالصواب
تحقیق و تدوین
حسنین علی
حسنین متبع ٹیم (Muttabi Team) کے رکن اور محقق ہیں۔آپ تقابلِ ادیان، بین المسالک اختلافات اور علمی ردود کے محقق ہیں۔
تحقیق کی مزید توثیق کے لیے متعلقہ صفحات کے اصل اسکین نیچے ملاحظہ کریں۔
متعلقہ مصنوعات